شارع الموت
من
Hussain El Beheiry
•
5:23 ص
•
0
تعليق
الاسم:
|
يوسف نجيب
|
| |
اسم القصه:
|
شارع الموت
|
|
بسم الله الرحمن الرحيمأنا أسمى خالد عبدالرحمن عندى 18 سنه طالب ثانوى عامفى يوم كنت راجع بالليل من درس الفيزياء وكنت راكب ف الميكروباص ولأن الشوارع كانت ضلمه نزلت في مكان غير اللى بنزل فيه كل مره ولأنى كمان ساكن فى منطقه بعيده عن مكان الدرس انا اعتبرت نفسى تايه! بدأت امشى فى المكان وادخل شارع واطلع من شارع لغايت لما دخلت شارع كان كأنه مهجور كان مفيهوش غير كام لمبه كده يدوب منورينو نور خافت ومرعب لما ركزت شويه بدأت اخد بالى أن العماره اللى انا واقف قدامها كانت محروقه......كلها محروقه هى تقريباً كان لونها اصفر قبل ماتتحرق علشان فيها مناطق صغيره كده النار تقريبا مجاتش عندهاانا بدأت اقلق واخاف بصراحه علشان كده اتصلت بمحمود صحبى خصوصاً أن هو كان ساكن فى المناطق دى يعنى فقلت اوصفلو انا فين يمكن يعرف يدلنى اروح ازاى وبالفعل اتصلت بمحمود وبدأت احكيلو وأول ماقلتلو انا انا فى شارع غريب وقدام عماره محروقه قالى يا نهارا اسود! أنت عند العماره الصفره!قلتلو عماره صفرة إيه هى محروقه اصلا قالى يخرب بيتك اخرج من عندك بسرعه قبل ميجيلك! لسه هرد اقولو هو مين ده اللى يجيلى لقيت ايد خبطت على كتفى وصوت بيقولى عاوز حاجه يا استاذ طبعاً الموبايل وقع من ايدى من الخضه وبدأت التفت واحده واحده علشان اشوف ده مينلقيت واحد شكلو بشع كانت ملابسو متقطعة وعينو بارزه لبره بشكل زايد اوى وبيبصلى بمنتهى الغضب وأهم حاجه بتميزو أن وشوه كان شاحب زى الميتين بقولو معلش انا دخلت هنا غلط بعد ازنك والغريب انو سابنى امشى من غير مايقولى أي حاجه! وأنا خارج كنت بجرى بصيت ورايا ملقتوش خرجت أجرى وانا مرعوب. رحت قعدت على الرصيف قدام عماره كده كانت هناك وبدأت اخد نفسى لقيت راجل كبير فى السن جاى نحيتى وبيقولى مالك يابنى؟ يدوب بقولو على الشارع والعماره لقيتو اتفزع وقالى انت ايه اللى دخلك الشارع ده يابنى؟ !قولتلو والله انا كنت تايه ومعرفش حاجه قالى أحمد ربنا يبنى انك خرجت قوم يابنى روح ربنا يعينك مش صحبك ده برضو؟ ببص جنبى لقيت محمود واقف بيسمعنى وهو باصصلى بشفقه انا مش عارف ليهبدأت أقوم وروحت البيت وأول ما دخلت رحت داخل على اوضتى واترميت على السرير وقعدت أسأل نفسى ايه الراجل اللى انا شفتو ده لفت نظري المرايه بتاعت التسريحة اللى قدام سريرى حسيت انها زى ماتكون بتنادينى بصيت لقيت نفس الراجل تانى بس كان بيبصلى ومبتسم اوى بدأت ازعق فيه واقولو أنت عاوز منى ايه وهو مش بيتكلم ومحافظ على ابتسامتو المرعبه دى كان جنبى الموبايل مسكتو ورحت حادفو بيهطبعاً المفروض ان المرايه تتكسر لكن اللى حصل أن المرايه بدأت تتشرخ وينزل منها خيوط دم! أنا طلعت أجرى من الاوضه وخرجت قعدت فى الصاله وببص فى الساعه لقيتها 4 الفجر! ازاى مش عارف! مفيش شويه والفجر أذن نزلت صليت ورجعت علشان اذاكر............بس اذاكر ايه؟ يدوب قعدت ولقيت منخيرى بتنزف جامد دخلت الحمام علشان اغسل وشى من الدم لفت نظرى أن مراية الحوض كان عليها حاجات سوده كده مش فاهم هى ايه بس لما بدأت امسحها أكتشفت انها محروقه المرايه بقت سوده تماما مش فاهم من ايه! اتصلت بمحمود صحبى وقلتلو انا عاوز اشوفك ضرورى وبالفعل اتقابلنا وبدأت اسالو عن الشارع والعماره وهو مبيردش قلتلو انا لازم ارجع هناك تانى اول ماقلتلو كده بصلى وقالى تروح فين انت اتجننت! قلتلو هروح وهتيجى معايا ...... محمود قعد يزعق ويقول لو رحنا هنموتقلتلو بقولك هنروح يلا بينا قالى طيب انا هاجى بس هقف بره قلتلو ماشى بس يلارحنا هناك ووقفنا على أول الشارع نقدم رجل وناخر رجللما دخلنا الشارع حسيت أننا دخلنا عالم تانى هادى صامت ساكنكان جاى نحيتنا ومبتسم واحنا مش بنتحرك ولا بننطق لكنو اول ماجه بدأت نظرتو تتحول لغضببس كل ده راح لما شفناه........ايوه هو نفس الراجلمن غير مقدمات هجم على محمود ونزل ضرب وخربشه وتقطيع فيه أما أنا فطلعت أجرى لما خرجت شافنى نفس الراجل بتاع المره اللى فاتت ونده عليا لكنى مردتش عليهروحت البيت ومش عارف محمود جرالو إيه فضلت على الحال ده لغايت تانى يوم الصبحلما صحيت قعدت اتصل بمحمود بس مبيردش خالص قررت اروح بيتو وأسأل عليهلما رحت عرفت كل حاجه عرفت ان محمود مات....... بدأت أسأل مات ازاى قالولى راح ضحية الشارع الملعونروحت بيتى وحاسس بالندم وتانيب الضمير نحية محمود لما روحت كنت تعبان والنوم غلبنى فنمت.....لما نمت بدأت اشوف أحلام متقطعة ومش مترتبهشفت نفس الراجل تانى وهو واقف يضحك ويقولى تعالى شوفت اطفال بتجرى وهى روسها متقطعهوناس بتصرخ وناس متغحمه ولقطات كتيره مش فاهم منها حاجه........صحيت لقيت نفسى نايم فى الحمام ودراعى غرقان دم!بس لما غسلت دراعى اكتشفت ان ده مش دمى.....دراعى سليم مفهوم حاجهجه فى بالى الراجل اللي شفتو هناك لما خرجت من الشارع وقررت اروحله يمكن يفيدنى بحاجهفعلا رحتولو وأول ما شافنى من بعيد بدأ يبصلى بتمعن وحسيت انو زى مايكون مستنينىقالى تعالى يبنى اقعد انا عندى كلام كتير عايز اقولهولك انا عمك جابر انا كنت شغال بواب للعماره الصفره دى قبل ماشتغل هناقلتلو انا عاوز أسألك عن حاجه وأتمنى يكون عند حضرتك رد قالى من غير ماتسال يبنى انا عارف انت عاوز تقول ايهوبدأ يحكى عم جابر: بص يبنى الشارع ده كان شارع عادى زى كل الشوارع اللى فى الدنيا والعماره دى كانت من احسن العمارات فى المنطقه الناس اللى فى الشارع كانوا حبايب وعادى جدا لغايت لما جه واحد أسمو عامر وسكن فى العماره ومن بعدها حال الشارع اتقلب جينا فى يوم يبنى وسمعنا أن طفل من أولاد سكان العماره اختفى وتانى يوم على طول اختفى طفلين تانى الموضوع كان غريب والناس عماله تدور ومفيش فايده محدش طبعاً شك فى اللى أسمو عامر ده لغايت ما واحد من اللى أولادهم اختفوا كان اسمو محسن بدأ يقول للناس انو بيسمع أصوات اطفال بتتعذب خارجه من عندو من الشقه الناس كانت ناويه أنها تانى يوم هتروحلو لكن فى نفس اليوم بالليل قامت حريقه فى بيت استاذ محسن والناس على ماقامت وراحت للشقه كانت بقت كتلة نار ومحدش قدر يعمل حاجه الإسعاف جات وخرجت جثتو هو ومراتو كانوا متفحمين يابنى انا مش ناسى شكلهم لغايت دلوقتى كل ده حصل ومحدش شاف عامر ده خالص الناس بدأت شكها فيه يزيد وفعلا راحولو لكنو طردهم وشتمهم بعدها بيوم واحد اختفى طفلين تانى الموضوع بقى يتكرر والناس ماترددتش ولموا بعض واقتحموا بيت اللى أسمو عامر ده ولقوا جثث الأطفال عبارة عن أشلاء متقطعة ومشرحة الناس نزلت ضرب فيه لغايت ما مات اخدو جثتو وحرقوها وبدأو يلموا أشلاء أولادهم من الشقه وبيقولوا انهم لقوا كتب سحر وتحضير ورسومات على الأرض وحاجات غريبه بعدها يبنى حصلت حريقه فى العماره من أولها لاخرها والناس قعدت تصرخ والمطافى مش عارفه تعمل حاجه العماره سكتت لوحدها لكنهم لما دخلوا ملقيوش ولا جثة الجثث اختفت كلها ومن بعدها سكان الشارع بدأوا يموتوا واحد ورا التانى ودايما كانوا يلا قوا الجثث متقطعة واللى فضل من السكان ساب الشارع ومشى خالص والشارع ده بقى شارع الموت كل اللى يدخلوا ولو بالغلط كانوا يلاقوا جثتو متقطعة بعدها على طولاللى انت شفتو ده يبنى اكيد عامر انا معرفش ازاى سابك تخرج بس أحمد ربنا انك لسه عايش واعمل حسابك أن انت داخل على مرحله صعبه وهو اكيد سابك لسبب خلى بالك من نفسك يبنىده كان كلام عم جابر................عارفين انا ناوى على ايه؟ أنا ناوى ادخل الشارع تانىاكيد عم جابر عندو حق هو اكيد سابنى لسبب ايه هو؟ اكيد هعرفوانا هدخل الشارع ولما ارجع هحكيلكو.......ده لو رجعتاستنونى........سلام
|
0 التعليقات :
إرسال تعليق