من زمن كبير الأطباء و المعالجين الروحيين
من
Hussain El Beheiry
•
5:26 ص
•
0
تعليق
شايفين الادوات اللطيفة دي ؟
من زمن كبير الأطباء و المعالجين الروحيين اعتقدوا ان أغلب مشاكل الإنسان في دماغه ، إن مشاكل الضغط ، المس الشيطاني ، و درجة الحرارة المرتفعة سببها الدماغ ..
وبالتالي تم إختراع وسيلة لمعالجة المشكلة دي ، ازاي ؟
عن طريق عملية اسمها Trepanation ، أو " إحداث ثقب في الجمجمة " ..
الأدوات دي كانت بتستخدم لشق الجلد أولًا ، و بعدها بيعملوا ثقب في جمجمتك وبيسيبوا الجلد يلحم تاني فوق الثقب ، الأطباء استخدموا الطريقة دي لتقليل الضغط ، ولعلاج الصداع النصفي أو تخفيف الحمى أحيانًا ..
بس الأكتر كان استخدامها في حالات المس الشيطاني ، بمنطق إن احداث ثقب في جمجمتك بيحرر دماغك ، و بالتالي بيشغل العين الثالثة ، بيزود الوعي ، و بيطرد الشياطين من جسمك ..
تم استخدامها كذلك في حالات الجنون ، الصرع ، و الهلوسة ، كان بيتم تقييد المريض و صنع ثقب في جمجمته ، كام واحد عاش بعد الموضوع ده ؟ ، محدش عارف ، عدد الجماجم اللي لقوها كان ضخم جدًا ..
العملية دي كانت بتتم من غير تعقيم ، ولا مخدر ، وكانت بالأدوات البدائية اللي قدامكم ، يعني ببساطة لو حدث خطأ صغير في استخدامها و اصاب المخ ، ممكن الشخص يصبح عاجز ، فاقد الذاكرة ، أو يتحول ببساطة لشئ شبيه بالزومبي ، آلام المريض و صرخاته أثناء احداث الثقب كانت دليل على مغادرة المرض أو الشيطان جسده .
أول جمجمة " مثقوبة " تم اكتشافها كانت في فرنسا ، عمرها كان اكتر من 7000 سنة ، و بعدها بدأ البحث عن جماجم أخرى بنفس الشكل و الباحثين لقوا آلاف منها في كل مكان حول العالم ..
- و بالمناسبة في جماعات من الأطباء بتستخدم " ثقب الجمجمة " ده حتى الآن كوسيلة علاجية
0 التعليقات :
إرسال تعليق