قصص الدمى المسكونة

مين شاف فيلم dead silence ؟؟طيب مين شاف the conjuring ؟؟حد عارف ان قصص الدمى المسكونة دي كلها مبنية على حقائق ؟؟حوالين العالم في أساطير كتير جدًا لدُمى فعلًا مسكونة ، دي واحدة منهم ..الراجل ده اسمه " جول فيرنون " ، كان فنان مسرحي متخصص في عروض الكلام من البطن بإستخدام العرائس ..
فيرنون مكانش عنده غير ال7 دُمى دول و كان معتز بيهم جدًا وبيعتبرهم أقرب للعائلة من الشغل ..
أكتر حاجة كانت مبهرة في عروضه ان الأصوات و الشخصيات كانت كإنها فعلًا من العرائس نفسها مش منه ، و كان بيتنقل بين الشخصيات بسرعة رهيبة جدًا ، ماعدا دمية واحدة بس من اللي معاه ، مكانش بيتكلم ، متكلمش ولا مرة في اي عرض ، كان بيضحك بس وبيتابع أحاديث باقي الشخصيات ..
في 25 ديسمبر 1920 ، فيرنون إتعمى فجأة على خشبة المسرح من غير أي مقدمات ..
و رغم كدة العرائس كملت العرض كإن فيرنون عنده القدرة على الرؤية ، مراته عشان تساعده كانت بترص العرائس دي على كرسي عالمسرح و توصل الكرسي بخيط بحيث يقدر هو يتبع الخيط لحد ما يوصلهم من غير ما حد يساعده على المسرح ..
الغريب ان كل شخصية في الدُمى دول احتفظت بصوتها رغم انه ولا كان عارف ترتيبهم ولا شايفهم ، و الغريب أكتر ان الدمية السابعة بدئت تتكلم مباشرة بعد ما الراجل اتعمى ‏‎grin‎‏ رمز تعبيري ..
" جول فيرنون " مات وهو عنده 70 سنة ، في حادثة ، حتى الآن محدش عرف سر الموضوع ، لكن تم الاحتفاظ بال6 دُمى بعد موته في متحف في فورت ميتشل بالولايات المتحدة ..
و الدمية السابعة ؟ .. اختفت